۲۲. قیش اولیمپیاد مشعلی موسکوا - سوچی سفرینه باشلادی
روسیانین سوچی شهرینده، ۷-۲۳ فوریه ۲۰۱۴-جو ایلده ائدیلهجک اولیمپیاد اویونلاری اوّلینده، یونانیستاندان یولا چیخان مشعل، موسکوایا چاتدی
. قیش اولیمپیاد اویونلارینا آز بیر زامان قالا اولیمپیاد مشعلی، موسکوا - سوچی سفرینه باشلادی.
روسیانین سوچی شهرینده، ۷-۲۳ فوریه ۲۰۱۴-جو ایلده ائدیلهجک اولیمپیاد اویونلاری اوّلینده، یونانیستاندان یولا چیخان مشعل، موسکوایا چاتدی.
روسیا دولت باشقانی ولادیمیر پوتینین ایشتیراکی ایله قیرمیزی میداندا کئچیریلن مراسیمین آردیندان، مشعل، سوچیده دوغرو یولا چیخدی.
۷ فوریه ۲۰۱۴-جو قدر ۸۳ بؤلگهده ۲ مین ۹۰۰ یاشاییش یئریندن کئچهجک مشعل، توئر بؤلگهسی، اسمولنسک، کالوگا، تولا، ریازان، ولادیمیر، ایوانووو، کوستروما و یاروسلاولدان وولگایا گئدهجک. داها سونرا مرکز فدرال بؤلگهسینه گئری گلهجک اولان مشعل، اؤلکهنین شیمال غربینده لیپتسک، اورئل، بریانسک، کورسک، بئلگورود و وورونئژ بؤلگهلرینین آردیندان وولگوگرادین جنوبونا داشیناجاق.
اوکتوبر آیینین اورتالاریندا، مورمانسک شیمال قوطبونه چاتاجاق اولان اولیمپیاد مشعلی، ۹ نوامبردا " سویوز TMA-۱۱M" ایله اوزای سفر ائتدیکدن سونرا ۱۱ نوامبردا دونیایا دؤنهجک. ۱ فوریهده پروفسیونال داغچیلار کارینا مئزووا و عبدالحلیم المزوو طرفیندن ۵ مین ۶۴۲ متر یوکسکلیگیندکی البروس داغینا چیخاریلاجاق مشعل، بو اوزون سفرین آردیندان ۷ فوریه ۲۰۱۴-جو ایلده سوچیده چاتاجاق.
vətən diıi news öz səhifələrində Azərbaycan və dünyadan bu günün xəbərləri və şərhlərini təqdim edir