کیتابلاریمین، کاغیذ-پارچالاریمین آراسیندا
خیاللاریمین قوینوندایام
منی سو چاغیرسان دورولوب یاغارام
تبریزی داش به داش ‌
کرپیج به کرپیج اؤپرم سنین اوچون
یئتر کی سن آنجاق
سئوین، منیم اوچون

آسیلی قالمیشام انتظار تاقچاسیندا
تبریز 
یورغون دوشوب یوخولو گؤزلریمده، 
نه گؤزوم یومولور نه تبریز یاتیر
ساعاتین نمنئچه‌سینده‌ییک...
گوله- گوله گل دئمیشدیم 
نه گلدین نه ده گولدون!
دورورام زامانین قیچینی سیندیرام 
باشیما هاوا گلدی بیردن بیره.....
اوچوردا بیلرسن شعرلریوی بئینیمده.