خسته‌خانادیر شهر،
سئچیم سونوج‌لاریمیزدیر
بوتون دکترلار!
یاساق‌دیر اویانماق
یاساق‌دیر آنتی‌بیوتیک‌لر
اؤلونجه یاساق‌دیر بوتون گئرچک‌لر!
دامارلاردا یاتیر یوخو حب‌لری
زهر‌له‌نیر یئمک‌لریمیز
زهرله‌نیر نرون‌لاریمیز
سی‌سی‌یولاردا چیرپینیر
کفنلی دیلک‌لر
ندن‌سیز دایانیر قلب‌لر!
بوغولور ایچیمیزده آغری‌لار
گؤیَریر آغزیمیزدا هارای
بورونور ملافه‌لرده اؤلوم
قوسماغی گلیر قبرستان‌لارین!..