دؤرد باجی
چوخ قدیم زامانلاردا دؤرد باجی واردی. بؤيويونون آدی قیش، کیچیکلرینین ایسه باهار، ياي، پايیز ایدی. اونلار گؤيده ياشايیردیلار. باجیلاردان ان عاغیللیسی و مودریکی قیش ایدی. باهار چوخ شن، ياي چوخ گؤزل، پايیز ایسه چوخ قمگین ایدی.
بیر گون باجیلار کؤچری قوشلاردان اؤيرهنیرلر کی، يئر رنگسیز و چوخ ماراقسیزدیر. اونلار باجاریقلارینی گؤسترمک اوچون قرارا آلیرلار يئری رنگلهسینلر. بونون اوچون چوخلو رنگ و کیست گؤتورورلر. قیش سئهرلی کیتابینی آچیب سئهر اوخويور.
سئهری اوخويوب قورتاران کیمی باجیلار يئرده اولدولار. يئر رنگسیز و ماراقسیز ایدی.
باجیلار ایشه باشلايان کیمی آرالاریندا موباهیسه دوشور. ياي آغاجین گوللرینی قیرمیزی رنگلهدی، باهار اونلاری ساری رنگه چئویردی. ياي قورباغانی ساری ائلهدی، پايیز اونو ياشیلا چئویردی. ياي دنیزلری ماوی رنگلهيیب دئدی:
- قوي دنیزلر ماوی رنگده اولسون!
پايیز اونونلا راضیلاشمايیب دنیزلردن بیرینی قیرمیزی رنگه ديَیشدی:
- يوخ، من دنیزی قیرمیزی رنگده رنگلهيیرم! قیرمیزی رنگ داها گؤزلدیر!
باهار دنیزین بیرینی آغ رنگه چئویریب دئدی:
- دنیز آغ رنگده اولسا، داها گؤزل گؤرونر!
موباهیسه قورتارمیر، عکسینه گوجلهنیردی. قیش بونو گؤروب باجیلاری ساکیتلشدیردی:
- ساکیت اولون، قوي دنیزلر رنگلهدیگینیز کیمی قالسین، بیری آغ، دیگری قیرمیزی، قالانلاری ایسه ماوی اولسون. آمما موباهیسهنی داياندیرین! آرانیزداکی موباهیسهيه سون قويماق اوچون ایلی دؤرد فصله آيیریرام، هرمیزه اوچ آي دوشور. هر فصیل اؤز زامانینی ایستهدیگی کیمی رنگلهسین.
قیشین دئدیکلری باجیلارین خوشونا گلدی. هره اؤزونه رنگ سئچدی کی، فصلینی رنگلهسین.
هر کس ایستهيیردی اونون فصلینده چوخ رنگ اولسون. ان چوخ رنگ گؤتورن ياي اولدو. باهار تکجه طبیعتی، گول-چیچيی رنگلهيیردیسه، ياي حتی مئيوهلری ده رنگلهيیردی.
پايیز ایسه همیشهکی کیمی خيالا دالمیشدی، بیر ده آيیلدی کی، 3-4 رنگ قالیب. اونلاری گؤتوروب رنگلهمهيه باشلادی.
باجیلار ایشلرینی قورتاراندان سونرا باخدیلار کی، بؤيوک باجیيا – قیشا تکجه آغ رنگ قالیب. قیش دا همین رنگی گؤتوروب هر يئری آغارتدی.
باجیلار اوتاندیلار، باشلارینی آشاغی سالیب دئدیلر:
- بؤيوک باجی، قیش باجی، سن بیزه عاغیللی، مهریبان اولماغی اؤيرتدین، آمما بیز گؤرمهمیشلیک ائدیب سنه رنگ ساخلامادیق!
-عيبی يوخدور، من رنگسیز ده قالارام، تکی سیز داوا ائتمهيین!
باجیلار هرهسی قیشا بیر آز رنگ وئردی. قیش رنگلری آلماق ایستهمهدی:
- بو رنگلر چوخ آزدیر، هئچ يئره چاتماز!
باجیلار اوتاندیقلاریندان آغلادیلار. بؤيوک باجی اونلارین گؤز ياشلارینا دؤزه بیلمهدی. خطیرلرینه ديَمهسین دئيه، رنگلری گؤتوردو:
- ياخشی، آغلامايین، باخین گؤرون سیزه نه گؤسترهجهيم؟
باجیلار تعجبله سوروشدولار؟
- نه؟
- بايرام يولکاسی!
- نئجه؟
سس : آرزو مرادی
قایناق : بالاجان خوخان
vətən diıi news öz səhifələrində Azərbaycan və dünyadan bu günün xəbərləri və şərhlərini təqdim edir