آذربایجان‌لی‌لار یئنی جمهورباشقان‌لارینی سئچمک اوچون ۹ اکتبردا صاندیغا گئده‌جک.

جمهورباشقانی نامیزدلری ده بللی اولماغا باشلادی. مرکزی سئچیم کمیسیونو گرچکلشدیردیگی سون توپلانتیدا، قدرت حسن‌قولویئو، حافظ حاجی‌یئو، آراز علیزاده و فرج قولویئوین نامیزدلیک باش‌وورولارینی قبول ائتدی. بئله‌جه کومیسیون بو آنا قدر یئددی نفرین نامیزدلیگینی رسمی اولا‌راق قبول ائتمیش اولدو.

بو آدلارین ایچینده آذربایجانین ایندیکی پرزیدنتی ایلهام علی‌یئو ده وار.

آذربایجاندا پرزیدنت‌لییه نامیزد اولا‌بیلمک اوچون ٤۰ مین سئچیجی‌نین ایمضاسینی داشییان بیر دیلکچه‌نین کومیسیونا چاتدیریلماسی لازیم‌دیر. بو لیمیتی گئچه‌بیلمه‌ین بیر چوخ شخصین نامیزدلیگی سئچیم کومیسیونو طرفین‌دن قبول ائدیلمه‌دی.

آذربایجان مخالیفتی‌نین اولوشدوردوغو و میللی شورا آدینی داشییان کوالیسیونون اورتاق نامیزدی جمیل حسنلی‌ ایله بیرلیکده دؤرد نفرین نامیزدلیک باش‌وورولارییلا ایلگیلی قرار اؤنوموزدکی گون‌لرده وئریله‌جک.