اشاره :
شبنم فرضی زاده با تخلص"شبنم" دارای مدرک کارشناسی ارشد؛  نویسنده ؛ شاعر ترکی و فارسی ؛ ترانه سرا ؛ متنقد ادبی و صاحب مجموعه فارسی " بدون چتر آمده ام" و دیوان تورکی و وبلاگ "یاغیش حورمتئ" و  نویسنده داستانهای .... و برگزیده جشوارهای.... است . مصاحبه ادبی زیر را به توسط امید اردبیل با ایشان انجام داده ایم با اجازه این شاعره بزرگوار در این وبلاگ منتشر می شود با تشکر از ایشان و آرزوی موفقیت برایشان امید که مورد توجه و پسند شما عزیزان قرار گیرد

 

1)بیرینجی سوال عنوانیندا ایستردیک اوزونوزو قیسا صورتده حورمتلی اوخوجولارا تانیتدیراسینیز؟

: بنده شبنم فرضی زاده 1365 اینجی ایلده اردبیل شهرینده دونیایا گلمیشم. منیم یاشاییشیم و حیات دونوشوم دئمک اولار بوتون شعرلریمله و اونلارین گرچک دویغولارینان دولوب. و داوام ائتمه لیدیر. اگرایسته سک منیم جدی آندا شعر سؤیله مه مین زامانینا باخاق من چالیشمامی چوخ اسکی زامان لاردان یاشادیم و باشلادیم.یانی دئمک کی 14 یادا 15 سنلرینده اوزامانلارمن شعری چوخ بئله قایدا و قانونلا باشارمیردیم, تکجه منیم دویغولاریم بارماق اوجللاریما گلیب و اؤز باشینا کاغاذا توکولوردو. ایندی کی حالدا شعرلرله اوینورام. و اِیله اونون قانونلاریلا باش باشا قویورام , شعرگزیرم شعر ایچیرم و شعر یاشاییرام.

2) نه علت باعث اولدو ادبیات عالمینه قدم قویاسینیز؟

: منیم بو شعرچالیشماما باعث چوخلو حیاتین آجیلارینی گورمک و اونو ایجتماع صحنه سینده گؤرمک . نئجه کی دئمیشلر سوزون بیتدیگی یئرده اینسانین دویغولاری نه ایسه شعر اولاراق یادا بیر آیری صنعت اؤزونو گؤستریر. و بویازیلارلا ایسته دیم ایجتیمانین آزدا اولسادا آجی لاری یادئمک حیات گرچگین, و ساده جه اوز حالیمین هرحالینی یازیب و آنلادام.

3) قوشدوغونوز ایلک مصراع لارینیز یادینیزدادیرمی؟

: بوسوال منی گوتورور دوز اوزامانا آپاریر کی بیرقارلی گئجه نین سس سیز آنیندابونلار سس له نیر:

بو گئجه  ایسته ییرم عشقووی تصویره چکم/

بوتون اولدوزلاری شهلا گؤزووه خیره چکم/

گتیرم دفتریمه گؤیده کی افسانه لر ی/

ایستیرم گیپریگون ایچره آیی زنجیره چکم.

....

4) هانسی شاعرلرین شعرلرینی داها آرتیق اوخویورسونوز؟

: من ایسته سم تورکجه دیلینده آنا دیلینده , بوتون درس آلدیغیم شاعرلرین آدینی آپارام دیلیم قاصیر. اما دئیه بیللم کی شعر ایلهامیمین بویوک قیسمین ایراندا "شهریار" بابایا  , و آذربایجاندا بویوک شاعیرعلی آقا واحده مینت دارام.

5) یازدیعینیز شعرلرینیزی بیرینجی دونه کیملره اوخویورسونوز؟

: اوزاماندان کی شعره باشلامیشام ایلک شعریمی آناما سؤیله میشم ایندی کی زاماندادا اؤنجه آناما سونرا شعرا توپلانتی لاریندا عزیز دوستلاریملا و استادلاریملا پایلاشارام.

6) بورا کیمی نئچه عنوان اثرینیز چاپ اولوب؟

: منیم شعرلریم ایرانین بوتون فارسجا و تورک قازته لرینده چاپ اولوبدور ایللردیر کی بو صحنه ده چالیشیرام. اما اثرلریمین توپلانتیسین (البته رباعی قالیبینده اولانلاری) بیر کتاب قالیبینده "بدون چترآمده ام" آدیندا یاخلاشیک بیرسنه دیر یاییلیبدیر و شعرسئون لرین الینه چاتیب.

7) چاپ اولاجاق کتابلارینیز دا وارمی؟

: اللاهین اذنیله نئچه تورکو و فارسجا شعرلریمیده چاپ اولماق اوزه ره دیر.

8) اوستانیمیزدا و عمومیتله آذربایجاندا خانیملار مقامین و یئرین ادبیات عالمینده نئجه گورورسونوز؟

: قاباقا گؤره خانیملاردا شعر و ادبیات زمینه سینده چوخلو اوزلریندن چیخار گؤستریب و ایله یه بیلیبلر اؤزیئرلرین تثبیت ائده لر. اما یئنه ده چوخلو فرصت لر خانیملارا وئریلمه دی. چونکومن بو یئنی باشلایان گنج خانیملاردا دا بؤیوک بیر استعداد گؤرورم. و عمومیتده دئیه بیلرم کی الانکی وضعیت خانیملارا ادبیات زمینه سینده چوخ یاخچی دیر.

9) نئجه کی بیلیرسینیز بوگونلر پست مدرن ترکیبی تزه غزل کیمی واژه لرله بیرگه ادبیاتیمیزا داخیل اولوبدور بو قالبلرده یازیلان شعرلره گوره نظرینیز نه اولا بیلر؟

: باخین شعر یازیلیشیندا بیزیم باخیشیمیز چوخ گئنیش اولمالی دیر اما شعرین و بو واژه نین دَیَری او قدر بؤیوک کی شعر سؤیله ین اینسان  اونون بوتون قالیبلرینه قایدالارینا, معناباخیشیلارینا دقت ائتمه لیدیر. ایسترسه " پست مدرن " اولسون , ایسترسه مدرن یادا......

طبعیمی چوخلاریندا محک وورموشام , اما منیم باخیشیم شعرده کلاسیک سبکه وفالی قالمالی دیر چونکو شعرین جانین بوندا بیلیرم .

10) بورا کیمی هانسی فئستیوال لاردا اشتراکینیز اولوب و هانسی مقاملارا ال تاپمیسینیز؟

: ایراندا شعرفستیواللارینین چوخلاریناقاتیلیب و ائیله یه بیلمیشم مقام کسب ائله ییب  سئچیلم. کی اونلاردان نئچه سینه ایشاره ائدیرم:

برگزیده جشنواره شعر سمنان 87-
برگزیده هشتمین جشنواره قرآنی دانشجویان کشور شهریور 91
برگزیده کنگره شعر یاد یاران یاسوج-
برگزیده شعر ایثار استان-همایش شعر سرود خاموش کنگاور-
برگزیده همایش شاعران جوان-برگزیده ی چندین دوره نویسندگان جوان وجوانان نویسنده ی ستاد نماز استان-
برگزیده ی چندین دوره شعر چشمه همیشه جاری(وقف) استان-
برگزیده ی شعرکار وکارگر خوزستان-برگزیده ی نشست بداهه گویی سیب -
برگزیده چند دوره شعر عاشورایی رامهرمز-برگزیده شعر انقلاب اسلامی تبریز -
برگزیده جشنواره شعر دفاع مقدس استان-
برگزیده شعر غروب شرق آبادان-
همایش جلوه های آفرینش رامهرمز-
برگزیده جشنواره شعر عاشورایی سمنان-برگزیده حنجره های سرخ الیگودرز91-
برگزیده شعر جوان آیینی ورامین 91
برگزیده ی ششمین جشنواره سراسریبسیج استانی

منتخب نهمین جشنواره سراسری قرآنی دانشجویان بخش ادبی هنری 92و......

11) شعرله نثرین فرقین نده گورورسونوز بیر حالدا کی ایندی بعضی نثره ده شعر آدی وئریلیر؟

: شعرده اولان  قایدالار, دویغووخیال اونو نثرقالیبینده یازیلاردان آیریر , نثره شعردئمه ییب دئمه یه جه یم . و بونو بیر بیریندن آیییرماق ائله ده چوخ چتین بیر ایش نظره گلمیر. و بونا اعتقادیم وارکی شعرین قایدالارینا , قالیب لا رینا و دونیاسینا مسلط اولان بیر اینسان یا اوخوجو یا شاعیر هئچ بیر زامان نثره شعرآدی , و شعره نثر آدی قویمایاجاق.

12) اوستاندا هانسی نشریه لرله ارتباطینیز وار؟

: دئمک اولار عمومی نشریات و صنعته دَیَروئرن نشریه لری هامیسینی اوخویورام و فایدالانیرام اونلاردان: " مطبخ ", "سارای", " امیداردبیل", "همشهری" , "اوای اردبیل" و.......

البته اؤزومده سراسری نشریه لر (بصیرت جوانان – پیام جزیره – زیروبم و....)ادبی صفحه لرینین مدیریتینده چالیشیرام شاعیرلرین شعرلرین بو صفحه لرده یاییرام و هنرسئون لرینین خدمتین ده یم.

13) سون سوزونوزو ائشیدیریک:

: گؤزل" امیداردبیل" نشریه سیندن تشکورلریمی سویله یه رک عزیز اوخویانلارین باخیشلارین اولو تانری یا تاپشیریرام. الله , تکجه الله , ویئنه ده الله

14)قیمتلی واختینیزی اختیاریمیزدا قویدوغونوز اوچون چوخ ساغ اولون،بیزی و حورمتلی اوخوجولاری گوزل شعرلرینیزین بیرینه قوناق ائدین:

ائله سوسدوم سؤزوم دیله گلمه دی

ایتدی باتدی های  هارای لار ایچینده

اولدوزلاری بیربیر سایا بیلمه دیم

گؤزوم قالدی سنده ,سای لار ایچینده

 

دردیم داشدی, بیلنمه دین گئج اولدو

قان یاشیمی سیلنمه دین گئج اولدو

گونلر اؤتدو گلنمه دین گئج اولدو

کوله دؤندوم ایللر آی لار ایچینده

 

یالان سؤزدور گله جکسن نه بیلیم؟

یاشاییش دا ن نه جورگئری چکیلیم

ناغیل لارا بنزیر منیم نیسگیلیم

سارای لاربوغولورچای لار ایچینده

 

 

کؤنلوم گئدیب دالغالارا قاریشیر

کولک لرین گؤیلون آلیر  باریشیر

ایلدیریملار کؤنلوم ایچره  یاریشیر

ناله لریم یانیر  وای لار ایچینده

 

نئجه داغین ذیروه سینی قار آلار

اوره گیمی غم باسدیقجا قارالار

سوسدوروب دو یاشیللاری قارالار

آرزی گولوم دونار  یای لار ایچینده

 

بیرگون گلسَن, باهارلاردان بار گتیر

قوشمالاری اوخشاماغا  تار گتیر

آلما گتیر  هئیوا گتیر  نار گتیر

قویما پاییم قالسین پای لار ایچینده

امید اردبیل 09/06/92

شبنم فرضی زاده(شبنم)

زبان و ادبیات خراسان