البروج سوره‌سی

[مکه‌ده نازل اولان بو سوره 22 آیه‌دیر]

رحمان و رحیم آللاهین آدیله

آند اولسون بورجلاری اولان گؤیه (1)

آند اولسون وعد ائدیلن گونه (2)

آند اولسون شهادت وئرنه و شهادت وئریلنه(3)

کی اُخدود اصحابی هلاک اولدولار (4)

یانغین سالان او آتش (5)

اونون اطرافیندا اوتورانلار (6)

مؤمنلرین باشلارینا گلنه تماشا ائدنلر (7)

و آنجاق اوستون و حمده لاییق اولان آللاها ایناندیقلاری اوچون، اونلاردان انتقام آلدیلار (8)

او معبود که گؤیلرین و یئرین مولکو اونوندور. الله هر زادا شاهیددیر (9)

گئرچکده مؤمن کیشیلر و مؤمنه قادینلارا شکنجه وئرنلر و سونرادا توبه ائتمیه‌نلر اوچون جهنم عذابی وار و یانار اود اونلاری گؤزله‌ییر (10)

 سؤز یوخ کی ایمان گتیرنلر و صالح عمل صاحیبلری اوچون، آلتیندان سولار آخان جنت باغلاری واردیر، بو بؤیوک سعادتدیر (۱۱)

سؤز یوخ کی سنین ربی‌نین جزاسی آغیردیر (۱۲)

سؤز یوخ که بیر دفعه یارادان بیر دفعه یئنیدن یاشاییشا قالخیزاندیر  (13)

او چوخ باغیشلایاندیر و چوخ سئوندیر (14)

شانلی عرشین صاحبی دیر (15)

دیله‌دیگینی ائدندیر (16)

سنه قوشونلارین خبری گلمه‌دیمی؟ (17)

فرعون و ثمود [قشونلاری‌نین خبری] (18)

 بلی کافیرلر اصلینده تکذیب ائدیرلر (19)

الله اونلاری هر یاندان احاطه ائتمیشدیر (20)

 بلی، او قرآن مجیددیر (21)

لوح محفوظدادیر (22)